Uppfæra verðmat eignar

Það geta verið verðmyndandi atriði sem aðeins er hægt að meta með sjónskoðun og því bjóðum við upp á frítt verðmat sem þú framkvæmir með ástandsyfirlýsingu, eða vottað verðmat fasteignasala.

Eini gjaldfrjálsi verðmatsvefurinn

Á procura.is finnur þú stærsta, og jafnframt eina gjaldfrjálsa verðmatsvef fasteigna á landinu. Þar höfum við aðgengilegt markaðsverð nánast allra íbúðaeigna á landinu og reiknum verðbreytingar mánaðarlega.

Frítt verðmat

Verðmat Procura gengur út frá þeirri forsendu að um sé að ræða eign, í venjulegu ástandi. Einkunnakerfi okkar byggir á því að þú gefir eigindum einkunn frá 1 til 5, þar sem 3 er venjulegt ástand.

Þú getur með einföldum hætti framkvæmt eigið verðmat á þinni fasteign sem byggir á ástandsyfirlýsingu sem felst í að gefa einstökum eigindum fasteignar einkunn.

Vottað verðmat

Vottað verðmat er framkvæmt af löggiltum fasteignasölum og er yfirlýsing fagaðila um markaðsverð eignar á tilteknum tímapunkti.

Ef þú ert að vinna að endurfjármögnun þá er nauðsynlegt að framvísa vottuðu verðmati og er Procura í samstarfi við fasteignasala sem taka að sér gerð vottaðra verðmata.

Reikniverkið

Verðgreining Procura er reiknuð tala sem byggir á reikniverki sem tekur meðal annars mið af opinberri skráningu og þinglýstum kaupsamningum um sambærilegar eignir. Matið byggir ekki á sjónskoðun og nauðsynlegt er að hafa í huga að margt hefur áhrif á endanlegt söluverð, svo sem ástand og önnur atriði sem aðeins er hægt að meta með sjónskoðun fagaðila.

Þó verðmat Procura sé gríðarlega nákvæmt, þá ber að líta á það sem viðmiðunarverð fyrir tiltekna eign á tilteknum stað, í eðlilegu ástandi.

Áreiðanlegar upplýsingar

Við viljum að allir hafi aðgang að áreiðanlegum upplýsingum og það á ekki síst við um jafn stór viðskipti og kaup og sölu fasteigna. Þess vegna lögðum við í þá vegferð að afla allra mögulegra gagna um fasteignir á Íslandi og að útfæra reikniverk sem getur með áreiðanlegum hætti sagt til um markaðsverð á hverjum tímapunkti.

Það hefur alltaf verið ófrávíkjanlegt að þessar upplýsingar verði gjaldfrjálsar og aðgengilegar öllum og þú getur treyst því að svo verði áfram.