Procura - meira virði

alt

Öruggt og einfalt söluferli

Mikilvægustu atriðin í fasteignaviðskiptum eru öruggir ferlar, traustur frágangur, vandað verðmat og raunhæf þóknun

497 7700 - Þjónustusími - Opið virka daga frá 9 - 17

Að vera ódýrust er ekki markmið, það er niðurstaða

Ekkert víkur fyrir trausti og öryggi þegar kemur að fasteignasölu og ekkert tryggir það betur en vandaðir ferlar í öruggu kerfi. Niðurstaðan verður einfaldari vinna og ódýrari þjónusta. Þess vegna kostar bara 595.000 kr. að selja fasteign hjá Procura.

Með Procura

Við bjóðum öruggt og fumlaust ferlu frá upphafi til enda

  • Allt ferlið á aðeins 595.000 kr.
  • Þitt eigið heimasvæði á procura.is
  • Skýrar grunnteikningar af eign
  • Rafrænar bókanir í söluskoðun og opið hús
  • Fagleg ráðgjöf um fjármögnun og greiðsluflæði
  • Full þjónusta þangað til afsal er undirritað
  • Þjónustuver sem svarar öllum þínum spurningum
  • Sérfræðingar í samfélagsmiðlum
  • Hámarks tækni og sjálfvirkni ferla
  • Þúsundir heimsókna á hverjum degi

Áætluð söluþóknun

Þitt verðmat

55.000.000 kr.

Uppgefin þóknun

1.75%

  • Almenn þóknun¹0 kr.
  • Þóknun Procura595.000 kr.
  • Þú sparar0 kr.

¹Söluþóknun miðast við uppgefna söluprósentu fasteignasala. Til viðbótar er svo reiknaður virðisaukaskattur og gagnaöflunargjald sem er að meðaltali 55.000 kr. að meðtöldum virðisaukaskatti.

Hvernig skrái ég eign í sölu hjá Procura?

Það er einfalt. Fyrsta skrefið er að skrá þig inn á “Mitt heimili” með rafrænum skilríkjum. Þar velur þú þína eign og pantar söluskoðun á tíma sem þér hentar. Við mætum, skoðum og í framhaldinu tökum við eignina í formlega sölumeðferð.

1

Innskráning

Við tryggjum fyrsta skrefið með rafrænum skilríkjum

2

Tímabókun

Þú bókar tíma sem þér hentar. Augljóst, en mikilvægt

3

Söluskoðun

Reiknað verð er oftast rétt. Skoðun gerir þá nákvæmt

4

Söluferli

Við hönnum ferlið og þú tekur ákvörðun um framhaldið

Við finnum besta söluverðið

Gagnasafn Procura er lykillinn að réttu söluverði. Vísindaleg nálgun byggð á bestu fáanlegu upplýsingum ásamt faglegu innsæi fasteignasalans, tryggja réttar forsendur fyrir góðri sölu.

Það, ásamt gæða ljósmyndun, skýrri grunnteikningu og öruggum skjalafrágangi leiðir þig að betri niðurstöðu.

595.000 kr.

595.000 kr.

Grunnpakki inniheldur allt ferlið sem nauðsynlegt er til að klára farsælt söluferli. Eina sem þú þarft að gera er að sýna eignina áhugasömum kaupendum.

649.000 kr.

649.000 kr.

Allt sem þú færð í grunnpakkanum ásamt því að við sýnum eignina fyrir þig. Þetta hentar vel þeim sem ekki hafa tök á eða vilja síður sýna eignina sjálf.

alt
alt

Spurt og svarað um söluferlið

Nei, alls ekki. Söluskoðun er fyrsti fundur milli okkar og þín. Þar kynnum við okkar áherslur og hvernig ferlið fer fram. Hafir þú áhuga á að velja okkur sem samstarfsaðila, þá útbúum við sölu- og samstarfssamning þar sem fram er sett söluáætlun ásamt ásettu verði, söluþóknun og öðrum ákvæðum sem um söluferlið gilda. Þá ákveðum við sameiginlega hvort og þá hvernig auglýsa skuli fasteignina, hvort halda skuli opin hús og hver sjái um að sýna áhugasömum kaupendum.

Þú ert alltaf í bílstjórasætinu þegar kemur að sölumeðferð á þinni eign og allar ákvarðanir eru að sjálfsögðu bornar undir þig. Okkar hlutverk er annars vegar að vera ráðgefandi aðili og hins vegar að framkvæma það sem við sameigninlega ákveðum í söluáætlun.

Það er einfalt. Þú byrjar á að skrá þig inn á “Mitt heimili” á procura.is með rafrænum skilríkjum. Ef þú hefur ekki skráð þig fyrir þinni eign, þá velur þú að bæta við eign og leitar eftir þinni eign í leitarglugganum

Athugaðu að þú getur aðeins skráð eign sem þú ert þinglýstur eigandi að. Eftir að þú hefur bætt þinni eign við þá getur þú pantað söluskoðun á þeim tíma sem þér hentar og í framhaldinu tökum við eignina í formlega sölumeðferð.

Nei, eina sem þú þarft að gera er að bóka tíma. Við sjáum síðan um allt undirbúningsferlið, tökum myndir, öflum gagna og teiknum upp grunnteikningu. Þegar öll gögn liggja fyrir þá er eignin skráð í virka sölumeðferð og birt á öllum helstu sölumiðlum fasteigna.

Fyrstu kynni kaupenda að eigninni þinni eru myndirnar. Þess vegna leggjum við mikið upp úr góðum og lýsandi myndum og hér höfum við tekið saman örfáa punkta um hvað þarf að hafa í huga áður en ljósmyndari kemur til að mynda eignina.

Ekki hafa áhyggjur, þú færð ítarlegri leiðbeiningar frá okkur áður en ljósmyndarinn er bókaður.

1. Skoðaðu umhverfi hússins, raðaðu upp því sem á að vera en fjarlægðu annað. Muna að leggja ekki í heimkeyrslu við sérbýli svo bíllinn taki ekki athyglina frá húsinu.

2. Settu yfirhafnir, jakka og skó inn í skáp eða fjarlægðu yfir í annað herbergi rétt á meðan ljósmyndari athafnar sig í forstofu.

3. Hleyptu birtu inn í íbúðina og dragðu frá gluggatjöld, fjarlægðu fjarstýringar, snúrur og aðra smáhluti af borðum í stofu.

4. Fjarlægðu smáhluti af borðum í eldhúsi, segla af kæliskáp og taktu niður aðra truflandi hluti eins og handklæði og þvottastykki. Óhreint tau vaskar þú upp eða setur í uppþvottavél og lokar. Hafðu ávaxtaskál á eldhúsborði ef það á við en geymdu önnur matvæli í skápum.

5. Búðu um öll rúm, fjarlægðu allt lauslegt af gólfum í svefnherbergjum og geymdu föt og smáhluti í skápum eða skúffum eftir því sem við verður komið. Reyndu að hafa litaval samstætt innan hvers herbergis og velja hlutlaus rúmföt eða rúmteppi ef því er við komið.

6. Á baðherbergi setur þú fram hrein og samstæð handklæði en fjarlægir tannburstaglös, sjampóbrúsa og aðra smáhluti. Hafðu salernisskál lokaða og settu upp nýja salernisrúllu.

Hafðu í huga að þú ert að selja húsnæðið þitt en ekki heimilið þitt, það flytur þú með þér á nýjan stað. Þess vegna er mikilvægt að húsnæðið njóti sín á myndum og að þær sýni herbergi og rými í réttu ljósi.

Almennt þá þarft þú ekki að taka til neinar upplýsingar um eignina því við sjáum um að afla allra opinberra gagna, svo sem um skráningu eignar, kvaðir og veðbönd. Við öflum einnig upplýsinga um stöðu áhvílandi veðskulda og stöðu allra gjalda og yfirlýsingar húsfélags ef það á við.

Hins vegar þá eru allar upplýsingar varðandi eignina mikilvægar og kunna að sýna atriði sem hafa áhrif á söluna. Það er því mikilvægt, ef þú býrð yfir frekari upplýsingum um eignina að þú upplýsir okkur um þær og sýnir okkur þau gögn sem þú kannt að búa yfir og varða eignina. Þar höfum við í gildi þá reglu að ekkert er of lítið eða ómerkilegt og að því meiri upplýsingar sem liggja fyrir, því öruggari og farsælli sala.

Við höfum yfir að ráða mikilli þekkingu þegar kemur að því að kynna og markaðssetja eignina þína. Fyrsta skrefið er að skrá eignina á fasteignavefi Mbl og Vísis þar sem flestir kaupendur leita fyrst að áhugaverðum eignum. Síðan fer eignin í birtingu á samfélagsmiðlum þar sem hún er kynnt til kaupendahóps sem hefur sýnt sambærilegum eignum áhuga.

Viljir þú fá frekari kynningu á eigninni þá bjóðum við upp á nokkrar gerðir af auglýsingapökkum sem við sérsníðum fyrir þína eign.

Við auglýsum að sjálfsögðu aldrei eign á þinn kostnað nema með þínu samþykki og við höfum sem vinnureglu að setja upp kynningaráætlun fyrir hverja fasteign þegar samningur og sölu- og markaðsþjónustu er undirritaður.

Þegar fasteign hefur verið á söluskrá lengur en sem nemur meðalsölutíma sambærilegra eigna, þá förum með þér yfir endurgjöf og svörun þeirra sem hafa skoðað fasteignina og ákveðum í sameiningu hvort og þá hverju þurfi að breyta.

Innifalið í lágmarksþóknun er eitt skipulagt opið hús þar sem við tökum á móti gestum og sýnum eignina. Það fer þannig fram að við auglýsum eignina markvisst og bjóðum áhugasömum að bóka tíma í sýningu á opnu húsi. Þar er hverjum og einum úthlutað ákveðnum tíma en þannig nýtist sýningin kaupendum best og skapar um leið minstan átroðning fyrir þig. Eftir skoðun höfum við síðan alltaf samband við þá sem skoða til að svara spurningum sem kunna að vakna varðandi eignina og förum yfir mögulegt greiðsluflæði og fjármögnun kaupanna ef áhugi er að taka málið lengra.

Ef þú vilt að við sýnum eignina meðan á söluferli stendur, þá er það hægt gegn vægu viðbótargjaldi.

Þegar áhugasamur kaupandi hefur fengið svar við öllum spurningum og vill taka næsta skref er gert tilboð í fasteignina. Þá býður kaupandi fram tilboðsverð, greiðslutilhögun og afhendingu sem talið er að hugnist þér. Oft eru settir fram ákveðnir fyrirvarar í tilboði svo sem varðandi fjármögnun ef kaupandi hefur ekki fengið samþykkt greiðslumat. Þá eru stundum settir fram fyrirvarar um sölu á fasteign kaupanda eða um atriði sem þú þarft hugsanlega að laga eða ganga frá áður en að kaupum getur orðið. Kaupandi setur síðan gildistíma á kauptilboðið og þarft þú að svara tilboðinu innan þess frests, þá með samþykki eða gagntilboði.

Ekki þarf að hafna kauptilboði sérstaklega.

Þegar kaupandi hefur undirritað kauptilboð þá er það bindandi fyrir kaupanda á gildistíma þess, að uppfylltum skilyrðum hugsanlegra fyrirvara. Þú ert ekki bundin af tilboði kaupanda fyrr en þú hefur svarað því. Ef þú samþykkir tilboðið þá er kominn á bindandi kaupsamningur milli aðila, að uppfylltum skilyrðum hugsanlegra fyrirvara. Ef þú hins vegar svarar tilboði með gagntilboði, þá er það ígildi höfnunar upphaflegs tilboðs og kaupandi því ekki lengur bundinn af því.

Gagntilboðið er aftur á móti bindandi fyrir þig á gildistíma þess. Þú getur líkt og kaupandi sett fram fyrirvara í gagntilboði og verður gagntilboðið þá ekki bindandi nema að þeim fyrirvörum uppfylltum.

Þegar báðir aðilar hafa undirritað kauptilboð um fasteignina, þá er kominn á bindandi kaupsamningur með þeim fyrirvörum sem fram hafa verið settir. Ganga þá allir aðilar til þess að uppfylla skilyrði þeirra fyrirvara innan þess frests sem um þá kunna að gilda.

Þegar þú samþykkir tilboð í eignina þína, þarftu að athuga vel hvað þú hefur til ráðstöfunar að loknum kaupsamningi því það getur haft áhrif á hvernig tilboð þú getur gert í aðra eign. Við förum sérstaklega yfir það með þér svo ekkert komi á óvart þegar í kaupsamning er komið.

Reglan er að fasteigninni fylgi allir naglfastir hlutir. Í eldhúsi fylgja auk innréttinga, eldavél, ofn og vifta. Séu rafmagnstæki, svo sem uppþvottavél og ískápur hluti af innréttingu, það er með áföstum innréttingaspjöldum, eiga þau einnig að fylgja. Föst ljós og ljóskúplar í eldhúsi, baði og þvottahúsi fylgja ásamt að minnsta kosti einu perustæði í hverju herbergi. Í baðherbergi fylgja innréttingar og hreinlætistæki. Sérsniðnar gardínur, s.s. rimlagardínur eiga einnig að fylgja samkvæmt venju.

Við höfum það sem reglu að fara yfir það með bæði seljanda og kaupanda hvað telst til fylgifjár með fasteigninni svo ekkert komi á óvart þegar kemur að kaupsamningi og afhendingu en að sjálfsögðu geta aðilar samið sérstaklega um ákveðin atriði ef vilji er til þess.

Þegar öllum skilyrðum kauptilboðs er fullnægt er boðað til kaupsamnings. Í kaupsamningi eru undirrituð öll fylgiskjöl kaupsamnings, svo sem veðskuldabréf, veðheimildir og önnur þau skjöl sem nauðsynleg eru til að ganga frá kaupunum.

Kaupverð er greitt í samræmi við skilmála sem samþykktir voru í kauptilboði. Fasteignasali sér til þess að greiðslur stemmi við ákvæði tilboðs og kaupsamnings og að þeim sé ráðstafað til réttra aðila í réttri röð.

Sölulaun eru greidd við kaupsamning og dregst oftast af kaupsamningsgreiðslu. Þess vegna förum við sérstaklega yfir það í tilboðsferlinu, hvað greiðsluflæðið þýðir fyrir þig og hvað upphæð þú hefur til ráðstöfunar að loknum kaupsamningi.

Við afhendingu flyst áhættan af eigninni frá þér yfir á kaupanda. Á þeim degi er einnig miðað við að kaupandi hirði af eigninni arð og greiði af henni skatta og skyldur. Kostnaðarskipting miðast við að þú greiðir öll venjuleg rekstrargjöld af fasteign fram að afhendingardegi. Þar með talið vexti af uppreiknuðum eftirstöðvum yfirtekinna lána en uppgjör vegna yfirtekinna lána miðast við stöðu þeirra í skilum á afhendingardegi. Þá miðast greiðslur í hússjóð, fasteignagjöld og iðgjöld af lögboðinni brunatryggingu við afhendingardag.

Afsal er síðasti gjörningur fasteignaviðskiptanna. Þá lýsir þú því yfir að kaupandi hafi staðið við alla skilmála kaupsamnings og greitt kaupverðið að fullu og sé þar með fullgildur eigandi hinnar seldu fasteignar.

Við afsal fer einnig fram lokauppgjör og þá er reiknað svokallað lögskilauppgjör þar sem þú og kaupandi gerið upp rekstrarkostnað eignar miðað við afhendingardag.